Unchi Airi Ki Jutiyan Aur Pairon Ki Hifazat

اونچی ایڑی کی جوتیوں کا مستقل استعمال پاؤں کے پٹھوں اور کمر کے لئے بہت زیادہ نقصان دہ ہوتا ہے۔ اکثر نوجوان لڑکیاں اور خواتین اونچی ہیل کے سینڈلز پسند کرتی ہیں اور بہت سی ملازمت پیشہ خواتین روزانہ اونچی ہیل کے سینڈلز کا استعمال کرتی ہیں۔ سارا دن گزارنے کے بعد شام یا رات کو پاؤں سوج جاتے ہیں اور ان میں درد ہونے لگتا ہے۔ اونچی ایڑی کی جوتیوں کا مستقل استعمال پاؤں کے پٹھوں اور کمر کے لئے بہت زیادہ نقصان دہ ہوتا ہے اور ان کے مسلسل استعمال سے آپ کا پاؤں بھی تکلیف میں رہتا ہے۔

اونچی ایڑی کی جوتیوں کا استعمال کرتے ہوئے بہت احتیاط سے کام لیں۔ سارے دن کے بعد جب آپ گھر آ کر انہیں اتاریں تو نیم گرم پانی میں نمک ملا کر اپنے پاؤں 15-20 منٹ کے لئے ڈال کر بیٹھ جائیں۔ اس طرح آپ کے پاؤں کا درد نکل جائے گا اور پاؤں کے پٹھوں کو آرام بھی ملے گا۔ اس کے بعد تیل سے اپنے پاؤں کا نرمی سے مساج کریں تاکہ پاؤں کو مزید آرام ملے۔

پیروں کو مزید آرام پہنچانے کے لئے ایسے فیٹ پیک (Feet Pack) کا استعمال کریں جس کے ذریعے آپ اپنے پاؤں کو فیٹ پیک کے ساتھ سوئیں۔ اس میں تازہ پھل اور ان کا رس شامل ہوتا ہے، مثلاً لوکی کا فیٹ پیک۔ اس کے علاوہ، گھر میں نرم، آرام دہ اور فلیٹ سیلپر کا استعمال کریں۔ رات کو سوتے وقت چاہیں تو اپنی پنڈلیوں کے نیچے کشن یا تکیہ رکھ کر سوئیں، جس سے رات بھر پاؤں سکون میں رہیں گے۔

Read more: Self Grooming Par Tawaja Dein