Oven Ka Durust Istemaal 

بیکنگ میں مہارت حاصل کرنے کے لئے اوون کی پوزیشن یا سطح کو سمجھنا بہت ضروری ہے۔ اوون میں ٹرے رکھنے کی جگہیں مختلف ہوتی ہیں، جو بیکنگ کے لئے اوون کی سطحوں کو ظاہر کرتی ہیں، مثلاً بلند سطح، درمیانی، اور نچلی سطح۔ بیکنگ میں ماہر خاتونوں کے لئے اوون (OVEN) کا صحیح استعمال سیکھنا بہت ضروری ہے۔ اکثر بیکنگ شروع کرنے والی خاتون اس کے کئی کورسز کر لیتی ہیں اور ان کے پاس مختلف پکوان بنانے کی کئی تراکیب بھی ہوتی ہیں، لیکن وہ اپنا مطلوبہ نتیجہ حاصل نہیں کر پاتیں یا چیزیں اس طرح بیک ہو کر تیار نہیں ہوتیں، جیسا کہ ہونی چاہییں۔

کیک، بسکٹ، اور نان خطائیاں درست طریقے سے بیک نہیں ہوتیں، کبھی جل جاتی ہیں، کبھی ان کا رنگ بہت گہرا ہو جاتا ہے، اور کبھی بہت سخت بن جاتی ہیں۔ اسی طرح دیگر چیزوں کے ساتھ بھی یہی ہوتا ہے۔ اس کی بنیادی وجہ اجزائے ترکیبی کی مناسب مقدار نہ ہونے کے علاوہ، اوون درست طریقے سے استعمال نہ ہونا بھی ہو سکتا ہے، لہٰذا مذکورہ بالا اشیاء بنانے کی تراکیب کے ساتھ اپنے اوون کو بھی جاننے کی ضرورت ہے، اس لئے اس کی طرف توجہ دیں۔

مختلف اشیاء کو مخصوص درجہ حرارت پر خاص وقت تک بیک کرنا ضروری ہوتا ہے۔ اوون کے درست استعمال سے خاتون زیادہ بہتر طور پر بیکنگ کر سکتی ہیں۔ بیکنگ میں مہارت حاصل کرنے کے لئے اوون کی پوزیشن یا سطح کو سمجھنا بہت ضروری ہے۔ اوون میں ٹرے رکھنے کی جگہیں مختلف ہوتی ہیں، جو بیکنگ کے لئے اوون کی سطحوں کو ظاہر کرتی ہیں، مثلاً بلند سطح، درمیانی، اور نچلی سطح۔ اوون کے بنیادی درجہ حرارت کو سمجھیں۔ یہ بیکنگ کے لئے بہت مددگار ثابت ہو سکتا ہے۔ جتنا زیادہ آپ اوون کی حرارت سے واقف ہوں گی، آپ کی بیکنگ کا نتیجہ اتنا ہی اچھا آئے گا۔ یاد رکھیں کسی بھی شے کی تیاری کی ترکیب میں جب کسی مخصوص درجہ حرارت پر بیکنگ کی ہدایت کی جاتی ہے تو اس میں دیے گئے وقت کے مطابق عمل کرنا ضروری ہوتا ہے۔ دوسری صورت میں آپ کی بیک کی ہوئی شے اس طرح تیار نہیں ہوگی، جیسا کہ اسے ہونا چاہیے۔

جب آپ کوئی چیز تیار کررہی ہوں تو یہ بہت اہم ہے کہ آپ بیکنگ سے کم از کم 20 منٹ پہلے اوون کو کھول (آن) دیں، تاکہ وہ خوب گرم ہو جائے۔ آپ اپنی ترکیب کے مطابق دیے گئے درجہ حرارت پر اوون گرم کریں۔ پھر مطلوبہ درجہ حرارت سیٹ کرکے بیکنگ شروع کریں۔ اسی طرح جس ٹرے میں آپ کھانا تیار کریں گی، اسے پہلے سے چکنا کرکے رکھیں۔ کیک وغیرہ کا آمیزہ تیار ہوتے ہی اُسے بیک کرنے کو رکھ دینا چاہیے، کیونکہ اگر اسے اوون میں رکھنے میں دیر ہو گئی تو ہو سکتا ہے کہ کیک کی صورت صحیح نہ بن سکے۔ ہمیشہ اس بات کا خیال رکھیں کہ اوون کو گرم کرنے کے بعد بیکنگ شروع کریں۔

کسی بھی چیز کو بہتر طور پر پکانے کے لئے اوون کو صحیح درجہ حرارت پر گرم ہونے کی ضرورت ہوتی ہے۔ گرمی کو پورے اوون میں پھیلنے کے لئے کچھ وقت درکار ہوتا ہے۔ سب سے مناسب طریقہ یہ ہے کہ جب بیکنگ کے لئے چیزیں تیار کرنا شروع کریں تو ساتھ ہی اوون بھی کھول دیں۔ اس طرح جب تک چیزوں کی تیاری مکمل ہو گی، اوون خوب گرم ہو جائے گا۔

اس بات کو بیکنگ سے پہلے یقینی بنائیں کہ اوون میں کوئی دوسری یا اضافی بیکنگ ٹرے موجود نہ ہو۔ اوون کے خانے اچھی طرح چیک کریں اور انہیں پوزیشن پر لے آئیں۔ جدید طرز کے اوون میں اگر درجہ حرارت کا بٹن کھول دیں تو وہ خوب گرم ہونے کے بعد الارم دینا شروع کر دیتا ہے یا اس میں موجود لائٹ کھلنے اور بند ہونے لگتی ہے، لیکن اگر آپ کے اوون میں یہ سہولت نہیں ہے تو اسے مطلوبہ درجہ حرارت پر کھولنے کے تقریباً 15 منٹ بعد بیکنگ ٹرے اندر رکھیں، اتنا وقت اوون کو مکمل طور پر گرم ہونے کے لئے ضروری ہے۔

بیکنگ کے بنیادی اصولات یہ ہیں جو یاد رکھنے کی ضرورت ہے۔ بیکنگ کے دوران، چاہے آپ جو بھی بنا رہے ہوں، اس کے تمام اجزاء کو ایک جگہ پر جمع کریں اور ان کے بیک کرنے کے طریقے کو مکمل طور پر سمجھیں۔ بیکنگ میں توجہ اور مہارت کی بہت زیادہ ضرورت ہوتی ہے، خصوصاً جب آپ نیا ہوں اور ابھی سیکھ رہے ہوں۔

بیکنگ کے دوران، دوسری چیزوں کی طرف متوجہ نہ ہوں، خاص طور پر جب آپ بیکنگ شروع کرتے ہیں۔ ہر وقت ایک ہی کام پر مرکوز رہیں، اور دوسرے کامات شروع نہ کریں تاکہ بیکنگ میں غلطیاں نہ ہوں۔

بیکنگ کے دوران، استعمال ہونے والے آلات کو صحیح حالت میں رکھیں۔ مکسر، بلینڈر، اور فوڈ پر وسیسر کے استعمال سے واقف ہوں اور ان کا استعمال صحیح ہو۔ بیکنگ کے نتیجے کو بہتر بنانے کے لیے اشیاء کے ناپنے کے لئے کپ یا چمچہ استعمال کریں تاکہ مقدار کا صحیح تناسب رہے۔

اپنی بیکنگ کے لئے مناسب برتن کا انتخاب کریں۔ برتن کا سائز اور مقدار، بنایا گیا چیز کے ساتھ میل کھاتا ہونا چاہئے تاکہ بیکنگ آسانی سے ہو سکے۔ برتن کا چھوٹا ہونا چاہئے تاکہ بیکنگ کے دوران آمیزہ باہر نہ گرے۔ برتن کو تیاری کے دوران ہمیشہ خشک رکھیں اور اس کو اوون سے قریب رکھیں۔

یہ اصولات مد نظر رکھتے ہوئے، آپ کی بیکنگ ہمیشہ نتیجہ بخش ہو گی۔

Read more: Adrak Ke Heran Kun Fawaid